Aqtóbe oblysynda qazaqstandyq jáne qytaılyq jumysshylar arasynda tutanǵan tóbeleske qatysýshylar qylmystyq jaýapkershilikke tartylady
ASTANA. Qyrkúıektiń 21-i. QazAqparat /Marlan Jıembaı/ - Aqtóbe oblysynda qazaqstandyq jáne qytaılyq jumysshylar arasynda tutanǵan tóbeleske qatysýshylar qylmystyq jaýapkershilikke tartylady. Bul týraly búgin BNews portalynda ótken onlaın konferentsııadan keıin BAQ ókilderiniń saýalyna jaýap bergen QR Іshki ister vıtse-mınıstri Aleksandr Kýlınıch málim etti.
Aqtóbe oblysyndaǵy kásiporyndardyń birindegi bizdiń jumysshylar men qytaılyq jumysshylar arasynda jappaı tóbeles oryn aldy. Qazirgi ýaqytta qylmystyq is qozǵaldy. Bul is Іshki ister mınıstrliginiń qaraýyna alyndy. Biz oqıǵanyń mán-jaıyn obektıvti baǵalaý úshin aımaqqa tergeýshimizdi issaparmen jiberdik. Oqıǵa qatysqan barlyq azamattar buzaqylyq baby boıynsha qylmystyq jaýapkershilikke tartylatyn bolady», dedi A.Kýlınıch.
Onyń atap ótýinshe, bul oqıǵaǵa shamamen 20-ǵa jýyq azamat qatysqan. Qaza tapqandar joq. Degenmen 6 azamat túrli dene jaraqatymen aýrýhanaǵa jetkizilgen. Qazirgi ýaqytta mınıstrlik oqıǵanyń shyǵý sebepterin anyqtaý ústinde.
Aıta keteıik, buǵan deıin birqatar buqaralyq aqparat quraldary Baıǵanın aýdanynda ornalasqan «Areol Qurylys» pen «M-Tehservıs» kompanııalary jumysshylary arasynda qaqtyǵys bolǵandyǵyn habarlaǵan edi.
