Aqtóbe oblysynda karantın sharasy jalǵasady
AQTÓBE. QazAqparat – Aqtóbe oblysynda bir aptada koronavırýs ınfektsııasyn juqtyrýshylar sany azaıdy.
Bul týraly «Qazaqstan-Aqtóbe» telearnasynda ótken tikeleı efırde Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva aıtty dep habarlaıdy QazAqparat tilshisi.
«Búginge deıin óńirde koronavırýs juqtyrýdyń 172 jaǵdaıy tirkelgen. Koronavırýs tyń taraýy sońǵy aptada 5 paıyzdy qurady. Bul – jaqsy kórsetkish. Ótken aptalarmen salystyrǵanda vırýsty júutyrý jaǵdaılary tómendedi. Aımaq boıynsha jaǵdaı turaqty. Eger aldaǵy aptada ósim baıqalmasa, kezeń-kezeńimen birqatar kásipkerlik nysany ashylatyn bolady»,- dedi N.Berkimbaeva.
Sonymen qatar oblys ákiminiń orynbasary Qaırat Bekenov elde tótenshe jaǵdaı rejımi alynyp tastalǵan kúnniń ózinde de Aqtóbe oblysynda karantın sharalary jalǵasatyn bolatynyn málimdedi.
«Tipti tótenshe jaǵdaı rejımi alynyp tastalsa da, Aqtóbe oblysynda karantındik sharalar jalǵasady. Bizde eskeretin birqatar qaýipter bar. Buǵan deıin biz biraz shaǵyn jáne orta bıznes nysandarynyń qyzmetterine qoıylǵan shekteýlerdi alyp tastadyq. 131 myńǵa jýyq adam jumysqa shyqty. Biz jeńildetýdiń 1-2 kezeńiniń dınamıkasyn baıqadyq, kásipkerler men azamattar osy jaǵdaıǵa jaýapkershilikpen qaraǵanyn kórdik. Eger osy úrdis odan ári jalǵassa, rejımdi jeńildetý boıynsha odan ári sharalar qabyldanatyn bolady», - dedi Q.Bekenov.
