Aqtóbe oblysynda qar jaýyp tur, júrgizýshilerge eskertý jasaldy
AQTÓBE. QazAqparat – Aqtóbe oblysy aýmaǵynda qar jaýyp tur. Oblystyq polıtsııa departamenti jolda saq bolýǵa shaqyrdy, dep habarlaıdy QazAqparat tilshisi.
«Alys sapardy keıinge qaldyrǵan durys. Qaýipsizdik úshin araqashyqtyqty saqtaýǵa, aýa raıy jaǵdaılaryna sáıkes jyldamdyq rejımin asyrmaýǵa keńes beremiz. Jol qozǵalysy erejelerin qatań saqtaý qajet. Aýa raıy boljamyn nazarǵa ala otyryp, oblystyq PD jeke quramy jol qozǵalysyn baqylaýdy kúsheıtti. Jol-kólik oqıǵasyna nemese basqa da tótenshe jaǵdaıǵa tap bolǵan júrgizýshilerge polıtsııa qyzmetkerleri kómekke kórsetýge daıyn. Mundaı jaǵdaıda 102 nómirine nemese patrýldik polıtsııa rotasynyń kezekshi bólimine 729-725 nómirine qońyraý shalyńyz», - dedi oblystyq PD baspasóz qyzmetiniń jetekshisi Erbolat Sarqulov.
Oblystyq TJD baspasóz qyzmeti erteń de jeldiń jyldamdyǵy 15-20 m/sek bolatynyn eskertti.
