Aqtóbe oblysynda qar qursaýynan 113 adam, 32 tehnıka, sonyń ishinde 1 avtobýs shyǵaryldy
ASTANA. 18 qańtar. QazAqparat - Aqtóbe oblysynda qar qursaýynan 113 adam, onyń ishinde 11-i bala, 32 tehnıka shyǵaryldy.
Aqtóbe oblysynda «Samara-Shymkent» jolynyń 810 shaqyrymynda qar qursaýynan shyǵarylǵan 5 jeńil avtokólik, 28 adam (onyń ishinde 2 bala) Aqtóbe jetkizildi.
Apattyq-qutqarý jumystaryna QR TJM Aqtóbe oblysynyń TJD órt sóndirý qyzmeti (6 adam men 2 tehnıka), «JQJ» MM jumyldyryldy. Zardap shekkender joq.
Qarǵaly aýdanynda «Aqtóbe-Orsk» avtojolynyń 108 shaqyrymnda qar qursaýynan 27 avtokólik, 85 adam, onyń ishinde 9 bala shyǵarylyp, olar Álimbet kentiniń orta mektebine ornalastyryldy.
Apattyq-qutqarý jumystaryna aýdannyń tótenshe jaǵdaılar bólimimen birlesip «Qazaqavtodor» RMK jáne jergilikti atqarýshy organdar jumyldyryldy (8 adam men 8 tehnıka). Zardap shekkender joq.
