Aqtóbe oblysynda kámeletke tolmaǵan jasóspirim kólikpen adamdardy qaǵyp, 3 jasar bala mert boldy

ASTANA. QazAqparat - Aqtóbe oblysynda kámeletke tolmaǵan júrgizýshi adamdardy qaǵyp ketti, dep habarlaıdy QazAqparat Polisia.kz saıtyna silteme jasap.

Oqıǵa 2 tamyz kúni saǵat 21:30 shamasynda bolǵan. Mártók aýdany Saryjar aýylynda Áıteke bı kóshesimen júrip kele jatqan 17 jastaǵy VAZ-21140 avtokóliginiń júrgizýshisi joldan ótip bara jatqan 28 jastaǵy jaıaý júrginshi men eki kámeletke tolmaǵan balany qaǵyp ketti.

Saldarynan 3 jasar bala jedel járdem kóliginde qaıtys boldy, qalǵan eki jaıaý júrginshi oblystyq aýrýhanaǵa jatqyzyldy.

«QR QK 345-baby 3-bóligi boıynsha sotqa deıingi tergeý júrgizilip jatyr»,-delingen habarlamada.