Aqtóbe oblysynda ındýstrııalandyrý kartasy aıasynda 84 joba belgilengen
Bul týraly búgin Astanada ótip jatqan Indýstrııalandyrý kartasy jobalaryn QR Prezıdenti N. Nazarbaevqa telekópir arqyly tanystyrý barysynda Aqtóbe oblysynyń ákimi Eleýsin Saǵyndyqov málim etti.
«Óńirlik baǵdarlama boıynsha 1 trln. teńgeden astam qarajat qarastyrylyp otyr. Bıyl 24 joba qoldanysqa enedi. Onyń 12-si buǵan deıingi kezekte júzege asqan bolatyn. Bulardyń arasynda munaı tazalaıtyn stansalar, gaz aıdaıtyn kompressorly stansalar bar. Bundaı nysandar kesheniniń arqasynda ilespe gazdardy paıdalaný tıimdiligi artady, keıbir jaǵdaıda olar qaıta keri aıdalady. Máselen, Baıǵanın aýdanynda munaı shyǵarylyp jatyr, sol orynda ilesip shyqqan gazdy paıdalaný kesheni qarastyrylǵan. Buny aýdanǵa tegin taratyp jatyrmyz», - dedi Aqtóbe oblysynyń ákimi Eleýsin Saǵyndyqov.
