Aqtóbe oblysynda «Halyqtyń qaýipsizdigin qamtamasyz etý» jobasyn júzege asyrý jalǵasyp jatyr
10 jumys kúni ishinde ótken 584 túrli shara 33 myńnan astam aýyl turǵynyn qamtydy. 2 myńǵa jýyq adamǵa túrli kómek kórsetildi, dep jazady«Aqtobe» gazeti.
«Eńbek kelisimsharty - qyzmetker kepili» jobasy belsendi nasıhattaldy. Joba aıasynda 100-den astam eńbek kelisimsharty jasaldy.
«Jaqynyńa járdemdes» qaıyrymdylyq aktsııasy aıasynda 53 turǵynǵa materıaldyq kómek berildi. Jekeleı aıtsaq, Áıteke bı aýdanynda az qamtylǵan otbasylarǵa qaıtarymsyz otyn men shóp túsirildi. Mártók aýdanynda áleýmettik dúken ashyldy, ol jerde 16 az qamtylǵan otbasyǵa balalar kıimderi, aıaq kıimder jáne oıynshyqtar tabystaldy. Osyndaı aktsııa apta saıyn ótkiziletin bolady. Sondaı-aq, Mártóktiń ózinde kópbalaly otbasyǵa úıine gaz júrgizý úshin demeýshilik jasaldy. Aýyl turǵyndaryna ataýly kómek olardyń áleýmettik problemalaryn sheshý maqsatynda beriledi.
Mártók, Oıyl jáne Áıteke bı aýdandarynda on kún ishinde 4 jumyssyz jumysqa ornalasyp, 35 adamǵa jumysqa ornalasýǵa joldama berildi, 577 qyzmetkerge ózderiniń eńbek quqyqtary túsindirildi.
Úı aralaý kezinde 129 múmkindigi shekteýli azamat qamtyldy. 7 múgedekke kómek kórsetildi. Jekeleı aıtsaq, olardyń ishinde ІІ toptaǵy bireýine estý apparaty tabystaldy.
Oblystyń úzdik dárigerleri aldynan 2687 turǵyn medıtsınalyq tekserýden ótti, onyń 217-sine oblystyq mamandandyrylǵan medıtsınalyq mekemelerge tolyq emdeý kýrsynan ótýge joldama berildi. Jyljymaly stomatologııalyq keshen 196 adamdy tekserip, onyń 65-ine em júrgizildi. Aldyn ala tekserý myń jarym oqýshyny qamtyp, 151-i saýyqtyrý úshin esepke alyndy. Aýdandyq aýrahanada jetekshi dárigerlerdiń qatysýymen 9 hırýrgııalyq ota jasaldy. Mysaly, oblystyq balalar aýrýhanasynyń dárigerleri Oıyl aýdanynda 1-8 jas aralyǵyndaǵy 4 balaǵa túrli deńgeıdegi hırýrgııalyq ota jasady. Qazirgi tańda balalar úılerine shyǵaryldy.
Jumys toby sarapshylary aýyldyq jerlerde bıznes ortany damytý jóninde sharalar qabyldady. Aıtalyq, Oıyl, Áıteke bı jáne Baıǵanın aýdandarynda 2080 turǵynǵa bıznestiń álippesi men ony qoldaýǵa arnalǵan memlekettik baǵdarlamalar týraly túsindirildi.
Shaǵyn jáne orta kásipkerlik nysandaryna kóńil bólindi. Mysaly, «Maıak» kempıngine «Bıznestiń jol kartasy-2020» aıasynda 2034 metrlik gaz qubyryn júrgizýge kómek berilýde. «Moldahmet» sharýa qojalyǵynyń ıeligindegi 60 iri qaraǵa (sýbsıdııa somasy 1 080 000)tolyq alynbaǵan sýbsıdııa somasynyń (540 myń tg) tólenýine yqpal etti. Al Erbolat» sharýa qojalyǵy «Sybaǵa» baǵdarlamasy arqyly 3,7 mıllıon teńge qarajat alýǵa kelisimshart jasady. «Agrarlyq nesıe korporatsııasy» nesıeleý baǵdarlamasy boıynsha 9 jobaǵa 74,3 mln teńge bólindi. Jalpy somasy 188 mln teńge bolatyn 20 joba qarastyrylýǵa berildi. «KazAgroQarjy» 2 joba boıynsha 11,1 mln teńge bóldi. Jalpy somasy 17 mln teńge bolatyn eki joba qarastyrylýǵa tapsyryldy.
«Aýyl sharýashylyǵyn qarjylaı qoldaý qory» 15 joba boıynsha 29 mln teńge berdi. Jalpy somasy 19,5 mln teńge bolatyn 8 joba qarastyrylý ústinde.
Ótkizilgen trenıngter nátıjesinde 65 aýyl ákimi kásipkerlik sabaqtarynda turǵyndardy yntalandyrý tásilderin úırendi. Sáıkesinshe alǵan bilim deńgeıleri test boıynsha anyqtaldy.
Teologtar, ımamdar jáne basqa da sarapshylar toby keńeıtilgen jumys barysynda aýyl turǵyndarymen jekeleı jáne toptyq kezdesýler, onyń ishinde, dástúrli emes dinı aǵymǵa ótip ketkendermen kezdesýler ótkizdi. Olarǵa ekstremızm men terrorızm úshin jaýapkershiligi týraly quqyq normalary túsindirilip, beınerolıkter kórsetildi.
Halyqtyń túrli toptarynda profılaktıkalyq yqpaly bar. Qazirgi tańda 1,1 myń oqýshy, ata-ana men pedagogqa qoǵamnyń negizgi qundylyqtary, dástúrimiz ben Qazaqstan halqynyń birligi, sondaı-aq, radıkalızm men dástúrli emes din oqytý qaýpi túsindirildi. 500-den astam polıtsııa qyzmetkeri men memlekettik qyzmetker dástúrli emes dinı aǵymdardyń qurbandarymen psıhologııalyq jumys tásilderin meńgerdi. Maqsatty jumalyq ýaǵyzdar arqyly 2,9 myń adamǵa aldyn alý jumystary júrgizildi. Dinı adamdar máselesine erekshe kóńil bólinip tur. 71 aýyl turǵynyna jekeleı teologııalyq kómek kórsetildi.
Sonymen qatar aýyl meshitteriniń qyzmetinde dinı adamdardyń bedelin kelýshilerdiń mańyzy men rólin arttyrý, sadaqany ashyq esepteý arqyly kóterý jóninde jumystar júrgizilip jatyr. Aýdan men aýyl meshitteri qyzmetterin zerteý nátıjesinde Áıteke bı aýdany Belqopa aýylyndaǵy «Qultas baba» meshiti úlgili aýdan meshiti bop tanyldy. Meshit qyzmetkerleri din ókilderi men kelýshiler arasynda «Imamnyń bir kúni» beınerolıgin kórsetip otyrady. Únemi aqparattyq-túsindirý jumystaryn júrgizedi. Kún saıyn jergilikti telearnalarda, áleýmettik jelilerde áleýmettik jáne taqyryptyq beınerolıkter taratylady. 10 qarashadan bastap mektepter men kolledjderde radıkaldy dinı aǵymdardyń qaýiptiligin aıǵaqtaıtyn beınerolıkter kórsetilip jatyr.
Buqaralyq aqparat quraldarynda jumys toptary týraly 96 materıal jarııalandy.
Ekstremıstik saryndaǵy 114 beınematerıal anyqtaldy, osy mazmundy óshirý týraly menshik ıelerimen áńgimelesýler júrgiziledi nemese buǵattalady. Qobda, Mártók jáne Oıyl aýdandarynyń 1456 turǵynyna «Otaý tv» otandyq spýtnıktik televızııasy tanystyryldy. 164 otbasy «Otaý tv» jelisine qosyldy.
On kún ishinde Qarǵaly, Qobda jáne Mártók aýdanynyń 11,9 myń turǵynyna terrorlyq akti kezinde nemese qaýip tóngen kezdegi tásilder túsindirildi. Onyń ishinde 1109-y oqý oryndarynyń oqytýshylary men oqýshylary. Osy maqsatta 7 myń aýyl turǵyny qoǵamdyq oryndarda taqyryptyq ınfografıka taratty.
22 nysannyń antıterrorlyq qorǵalý buıymy tekserildi, antıterrorlyq oqý-jattyǵý barysynda 12 nysanda mamandar tótenshe jaǵdaı kezindegi áreketter jasap, onyń ishinde, «teraktini» boldyrmaı, qaýipti seıiltti.
Shuǵyl aldyn alý sharalary júrgizile beredi.
Aıtalyq, «Qarý»shuǵyl-aldyn alý sharalary aktsııasy aıasynda 380 azamattyq qarýdyń ıesi tekserildi. Zańbuzýshylyqtarǵa qatysty 17 ákimshilik hattama toltyryldy. «Ýchaske» aktsııasy aıasynda 880 úı ıesi tekserildi. 24 ákimshilik hattama toltyryldy. «Mıgrant» sharasy aıasynda 500 tulǵa tekserilip, 16 ákimshilik hattama toltyryldy.
Budan basqa sharalardy quqyq qorǵaý blogyna qatysty máseleler qamtydy. Jekeleı aıtsaq, Yrǵyz, Qarǵaly jáne Qobda aýdandarynda 4 komandalyq-shtabtyq jattyǵý men 6 nusqaýshylyq jáne tájirıbelik sabaqtar ótkizildi. Aýdandardaǵy shuǵyl shtabtarǵa olardyń tóngen qaýipke áreket etý kezindegi daıyndyqtaryn pysyqtaý jóninde tájirıbelik jáne ádistemelik kómek berildi. Osyndaı sharalarǵa 1,1 myń adam qatysty.
Ekstremızm men terrorızmdi qarjylandyrýǵa jol bermeýge baǵyttalǵan sharalar da júrgizilip jatyr. Bul salada Qobda, Mártók jáne Oıyl aýdandarynda 352 jergilikti turǵyn men kásipkerge salyq zańnamasynyń 2017 jyldyń qańtarynan bastap engizilip jatqan jańalyqtary túsindirildi. Sharaǵa turǵyn úıdi jalǵa beretin 7 adam, «Halal» tamaqtaný pýnktiniń bir adamy, mobıldi telefondar satýmen aınalysatyn 38 adam (onyń biri jeke kásipker retinde tirkelgen) men jeke júk tasýmen aınalysatyn 33 adam (7-ýi jeke kásipker retinde esepte tur) qatysty.
«Halyqtyń qaýipsizdigin qamtamasyz etý» jobasyn júzege asyrý jalǵasyp jatyr.