Aqtóbe oblysynda gaz óńdeıtin zaýyt salynyp jatyr

AQTÓBE. QazAqparat - Aqtóbe oblysynda quny 21 mlrd teńgeni quraıtyn gaz óńdeıtin zaýyt salynýda, dep habarlaıdy QazAqparat óńirlik kommýnıkatsııalar qyzmetine silteme jasap.

Bul týraly baspasóz konferentsııasynda Baıǵanın aýdanynyń ákimi Jandarbek Jańabaı aıtty. Onyń sózinshe, Baıǵanın aýdanyndaǵy Qojasaı ken ornynda gazdy keshendi ázirleý qondyrǵysynyń qurylysy júrip jatyr. Ony «Gas Prosessing Company» JShS júzege asyrýda.

«Jańa qondyrǵy ilespe gazdy óńdeý úlesin arttyryp, ónimniń jańa túrlerin ıgerýge múmkindik beredi. Qýaty jyl saıyn 300 mln tekshe metr qurǵaq gaz, 37 myń tonna propan-býtan tehnıkalyq qospasyn, 5400 t gaz kondensatyn jáne 10 500 t kúkirt óndirýge jetedi. Іlespe gaz janbaıtyn bolǵandyqtan, jańa zaýyt, tutastaı alǵanda, oblys ekologııasyn jaqsartady. Gazdy keshendi ázirleý qondyrǵysynyń qurylysy aǵymdaǵy jyly aıaqtalady», - dedi Jandarbek Jańabaı.

Qazirgi ýaqytta nysan qurylysyna 450 adam tartylǵan. Paıdalanýǵa berilgen soń 258 jumys orny ashylady.