Aqtóbe oblysynda fosfor jáne kalıı tyńaıytqyshtaryn shyǵaratyn iri óndiris oryndary qurylýda

ASTANA. 8 qarasha. QazAqparat - Aqtóbe oblysynda fosfor jáne kalıı tyńaıytqyshtaryn shyǵaratyn iri óndiris oryndary qurylýda.

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte atalǵan óńir basshysy Arhımed Muhambetov málim etti. Onyń sózine qaraǵanda, klasterdiń hımııalyq salasynda mıneraldyq tyńaıytqyshtar óndirisiniń mańyzy zor. Osy oraıda fosfor jáne kalıı shıkizatynyń aýqymdy qoryn tereńdetip qaıta óńdeý negizge alyndy. Bul baǵyttaǵy alǵashqy qadam retinde «Temirservıs» JShS-nyń iske qosylýy zor mańyzǵa ıe bolyp otyr. Ákimniń aıtýynsha, mıneraldyq tyńaıytqyshtardy óndirý boıynsha ekinshi kezeńde «Chılısaıhımıkal» kompanııasy zaýyt qurylysyn bastamaq. Onda monoammonıfosfat jáne dıammonıfosfat tyńaıtqyshtary shyǵarylatyn bolady. Zaýyttyń qýattylyǵy jylyna 880 myń tonnany quraıdy. Al tolyq kúshine engennen keıin jylyna 2,7 mln. tonnaǵa deıin ónim shyǵarady. Osy óndiriske baǵyttalyp otyrǵan ınvestıtsııanyń jalpy kólemi 600 mln. AQSh dollarynan asyp otyr.