Aqtóbe oblysynda fermerlerge keńes berý úshin Sall center ashyldy
AQTÓBE. QazAqparat - Aqtóbe oblysynda aýyl sharýashylyǵy óndirýshilerine keńes berý boıynsha Sall center ashyldy, dep habarlaıdy QazAqparat tilshisi.
Jobany Aqtóbe oblystyq kásipkerler palatasynyń ókilderi pılottyq rejimde iske qosty.
Call center qyzmeti aýylsharýashylyq janýarlaryn ósiretin kásipkerlerge veterınarlyq qaýipsizdik boıynsha jedel ári naqty keńester berýge baǵyttalǵan. Oǵan Aqtóbe oblysynyń barlyq turǵyndary habarlasa alady. «1432» nómirine qońyraý shalý tegin.
«Ortalyqtyń basty mindeti - janýarlarǵa alǵashqy veterınarııalyq kómek kórsetý máseleleri boıynsha bilikti mal dárigerin jaldaýǵa nemese keńes alýǵa múmkindigi bolmaıtyn qarapaıym aýyl sharýashylyǵy óndirýshilerine veterınarııa salasynda keńes berý. Qazirgi tańda sharýalardy janýarlardy emdeý nemese epızootıkalyq jaǵdaı máseleleri ǵana emes, sondaı-aq janýarlardy ákelý máseleleri de tolǵandyrýda», - dedi Call center úılestirýshisi Oljas Aýsabaev.
Sarapshylar qatarynda Aqtóbe oblysynyń veterınarlyq dárigerleri de, respýblıkanyń bilikti sarapshylary da bar. Aqtóbe oblysyndaǵy Sall center jumysy tıimdi bolyp jatsa, bul tájirıbeni respýblıkanyń basqa óńirlerine engizý josparlanyp otyr.
