Aqtóbe oblysynda er adam ózin-ózi órtep, qalalyq ishki ister bólimine kirdi
ASTANA. QazAqparat - Embi qalasynyń 39 jastaǵy turǵyny óziniń ústine benzın quıyp órtep, ishki ister bóliminiń ǵımaratyna kirgen.
Bul týraly Aqtóbe oblystyq ishki ister departamentiniń baspasóz qyzmetinen habarlady.
Oqıǵa 12 aqpan kúni túnde bolǵan. Saǵat 2.45-te Muǵaljar aýdany Embi qalalyq ishki ister bóliminiń ortalyq esiginen belgisiz er adam kirip kelgen. "Onyń ústindegi kıimi órtke oranyp jatty. Kezekshiler jalyndy sóndirip, birden jedel járdem qyzmetin shaqyrǵan. Biraq, kesh bolatyn. Er adam sol jerde kóz jumdy. Qazir ózine-ózi qol jumsaý faktisi boıynsha sotqa deıingi tergeý jumystary bastaldy", - dep jazady aktobenews.kz .
Tergeý qorytyndysy boıynsha anyqtalǵandaı, 39 jastaǵy er adam sýıtsıdke otbasy jaǵdaıyna baılanysty barǵan. Osy oqıǵaǵa deıin, 2 aqpanda onyń áıeli kóz jumǵany belgili boldy. Er adam ózine-ózi qol jumsaıtyndyǵy týraly sol túni týǵan-týystaryna habarlaǵan.
