Aqtóbe oblysynda Embi men Shalqar aralyǵynda jol jabyldy
ASTANA. 29 jeltoqsan. QazAqparat - «2011 jylǵy 29 jeltoqsanda saǵat 19.00-den bastap Aqtóbe oblysynda aýa-raıynyń qolaısyzdyǵynan jáne joldyń nashar kórinýi saldarynan «Qandyaǵash - Embi - Shalqar - Yrǵyz» avtojolynyń «Embi - Shalqar» ýchaskesinde avtokóliktiń barlyq túrine túngi ýaqytta jol júrýge tyıym salynady», - dep habarlaıdy Kólik jáne kommýnıkatsııa mınıstrliginiń baspasóz qyzmeti.
Osyǵan qaraı mınıstrlik ókilderi respýblıka turǵyndaryna avtomobıl joldarynda keleńsiz jaǵdaılardyń aldyn alý úshin aýa raıy jaqsarǵansha, jol júrýden bas tartyp, Qazaqstannyń gıdrometeorologııalyq qyzmetiniń habarlamalaryn nazarǵa alýdy usynady. Kólik jáne kommýnıkatsııa mınıstrliginiń «Qazaqavtojol» respýblıkalyq memlekettik kásipornynda avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi.
