Aqtóbe oblysynda eki jeńil kólik soqtyǵysyp, 3 adam mert boldy

ASTANA. QazAqparat - Aqtóbe oblysynda jol-kólik oqıǵasy saldarynan úsh adam qaza tapty, dep habarlaıdy QazAqparat Polisia.kz saıtyna silteme jasap.

Jol apaty 23 sáýirde Hromtaý aýdanynyń Jazyq aýylynyń mańynda Samara-Shymkent avtojolynda boldy.

«VAZ-2110» jáne Toyota markaly avtokólikteri soqtyǵysqan. «VAZ» avtokóliginiń 3 jolaýshysy oqıǵa ornynda kóz jumdy, júrgizýshisi aýdandyq aýrýhanaǵa jetkizildi.

Sotqa deıingi tergeý bastaldy jáne jol-kólik oqıǵasynyń mán-jaıy anyqtalýda.