Aqtóbe oblysynda destrýktıvti dinı aǵym ustanýshylary esirtkimen ustaldy - UQK
NUR-SULTAN. QazAqparat - Aqtóbe oblysynda destrýktıvti dinı aǵym ustanýshylary esirtkimen ustaldy, dep habarlaıdy QazAqparat UQK baspasóz qyzmetine silteme jasap.
«13 qańtarda UQK Atyraý oblysy boıynsha departamenti Aqtóbe oblysy boıynsha departamentimen birlese otyryp, júrgizilgen jedel-izdestirý is-sharalary nátıjesinde ósimdik túrli esirtki tasymaldaý arnasyn uıymdastyrýǵa qatysty bar top múshelerin quryqtady. Bul fakt QR QK 297-babynyń 3-bóliginiń 3-tarmaǵy (esirtki, psıhotropty zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergeý bastaldy», delingen habarlamada.
Komıtettiń málimetinshe, u stalǵan azamattar destrýktıvti dinı aǵym ustanýshylary.
A tyraý qalasynyń mamandandyrylǵan tergeý sotynyń sheshimimen kúdiktilerge qamaýǵa alý bultartpaý sharasy qoldanyldy. Qazir tergeý amaldary júrgizilip jatyr.
