Aqtóbe oblysynda demalys kúnderi 3 adam sýǵa batyp ketti
AQTÓBE. QazAqparat - Aqtóbede úsh adam sýǵa túsip, batyp ketti. Onyń ekeýi mas bolǵan, dep habarlaıdy QazAqparat tilshisi.
Aqtóbede sýǵa túsý maýsymy bastalǵan joq. Eskertýge qaramastan belgilenbegen jerde sýǵa túsken adamdar jaǵaǵa qaıta shyqpaı qalǵan.
«Birinshi jaǵdaı̆ Qobda aýdanynyń Qobda ózeninde tirkeldi. 1996 jyly týǵan azamat mas kúı̆inde sýǵa túsip, batyp ketken. Qutqarýshylardyń kúshimen azamattyń denesi 4 metr tereńdikten jaǵaǵa shyǵaryldy. Al 8 mamyr kúni Aqtóbe qalasyndaǵy Jińishke ózeninde belgisiz adamnyń denesi tabylǵany týraly habarlama kelip tústi. Oqıǵa ornyna qutqarýshylar jedel túrde jiberilip, ózen jaǵasynan 2 metr qashyqtyqta jáne 1 metr tereńdikten 1944 jyly týǵan áı̆eldiń denesi sýdan shyǵaryldy. Aı̆ta ketý kerek qaza bolǵan azamatsha syrt kıimin sheshpegen. Oqıǵanyń mán-jaı̆yn anyqtaý úshin polıtsııa qyzmetkerleri tergeý júrgizip jatyr», - dep habarlady oblystyq TJD baspasóz qyzmeti.
Sonymen birge 9 mamyr kúni Hromtaý aýdanyndaǵy Oı̆sylqara ózeninde qaıǵyly jaǵdaı tirkeldi.
Aýdandyq polıtsııa bóliminiń málimetine sáı̆kes, 1960 jyly týǵan azamat joldastarymen balyq aýlaýǵa baryp, mas kúı̆inde syrt kıimmen sýǵa túsip ketken.
61 jastaǵy azamattyń denesi qasynda bolǵan kýágerlerdiń kúshimen jaǵaǵa shyǵarylǵan.
Aqtóbe oblystyq TJD qyzmetkerleriniń aı̆týynsha, turǵyndar qutqarýshylardyń eskertýin elemeı̆di jáne saldary jaıly oı̆lamastan jabdyqtalmaǵan jáne qaýipti jerde shomylýyn jalǵastyryp jatyr.
