Aqtóbe oblysynda burqasynǵa baılanysty joldar jabyldy
ASTANA. QazAqparat - Aqtóbe oblysynda aýa raıynyń qolaısyzdyǵyna baılanysty joldar jabyldy, dep habarlaıdy "Qazavtojol" RMK.
Búgin, 29.03.17 kúni Aqtóbe oblysynda aýa raıynyń qolaısyzdyǵyna baılanysty (qar, burqasyn, joldyń kórinbeýi) "Samara-Shymkent" avtojolynyń Aqtóbe men Hromtaý qalasy aralyǵyndaǵy bóliginde (753-835 km) júk kólikterine qozǵalys shekteldi.
22:10-de "Samara-Shymkent" avtojolynyń Belogorka kentinen Hromtaýǵa deıingi bóliginde barlyq kólik túrlerine qozǵalys shekteldi.
22:50-de "Aqtóbe-Orsk" avtojolynyń Prıgorodnyı kentinen RF shekarasyna deıingi bóliginde júk kólikterine qozǵalys shekteldi.
Sondaı-aq, Astana ýaqytymen 23:40-ta "Qandyaǵash-Embi-Shalqar-Yrǵyz" avtojolynyń Qandyaǵashtan Shalqar qalasyna deıingi aralyǵynda (0-257 km) barlyq kólik túrlerine qozǵalys shekteldi.
