Aqtóbe oblysynda boran kúsheıip, joldar jabylyp jatyr
AQTÓBE. QazAqparat - Aqtóbede respýblıkalyq jáne oblystyq mańyzy bar joldar ýaqytsha jabylyp jatyr, dep habarlaıdy QazAqparat tilshisi.
Aqtóbe oblysynda boran soǵyp, keı jerler kóktaıǵaq bolyp tur.
Qazirgi kezde Samara-Shymkent tasjolynyń Aqtóbe qalasy men Qyzylorda shekarasy aralyǵy barlyq kólik úshin jabyq.
«Saǵat 19:00-den bastap Qarabutaq-Komsomol-Qostanaı» tasjolynyń Qarabutaq aýylynan Qostanaı shekarasyna deıin jabyq. Boran men kóktaıǵaq saldarynan kóliktiń barlyq túriniń júrýine shekteý qoıyldy. Aqtóbe oblysynda aýa raıy qubylyp tur. Alys jolǵa shyǵý qaýipti»,- dep habarlady oblystyq TJD baspasóz qyzmeti.
Eske sala keteıik, búgin Qyzylorda oblysynda da aýa raıynyń qolaısyzdyǵynan «Samara-Shymkent» tasjolynyń birqatar bóliginde kólik qozǵalysyna tyıym salynǵan edi.
