Aqtóbe oblysynda bopsalaýmen aınalysqan qylmystyq top ustaldy

AQTÓBE. QazAqparat – Aqtóbe oblysynda bopsalaýmen aınalysyp kelgen qylmystyq top ustaldy, dep habarlaıdy QazAqparat Rolisia.kz-ke silteme jasap.

Polıtsııa qyzmetkerlerine oblys aýmaǵynda qylmystyq top bopsalaýmen aınalysatyny týraly aqparat túsken. Anyqtalǵandaı, olar kásipkerden qomaqty soma bopsalaǵan, sondaı-aq «Toıota Kamrı» avtokóligin óz attaryna aýdarýdy talap etken.

«Bıylǵy 16 mamyrda jedel-izdestirý is-sharalaryn ótkizý barysynda polıtsııa qyzmetkerleri Aqtóbe oblysynyń tórt turǵynyn ustady.

Ustalǵandardan patrondary bar 2 travmatıkalyq tapansha men pyshaq tárkilendi. Atalǵan derek boıynsha QR Qylmystyq kodeksiniń 194-baby 3-bóligi (»bopsalaý«) boıynsha sotqa deıingi tergeý bastaldy. Ustalǵandar qamaýǵa alyndy», - delingen polıtsııa málimetinde.