Aqtóbe oblysynda birneshe baǵyttaǵy jol jabyq
AQTÓBE. QazAqparat - Aqtóbe oblysynda keshe keshkilik 7 baǵytta jol jabyldy. Búgin onyń tek bireýi ashyldy, dep habarlaıdy QazAqparat tilshisi.
Respýblıkalyq mańyzy bar Samara-Shymkent tasjolynyń Belogorka-Qarabutaq, Qarabutaq-Komsomol-Qostanaı, Qarabutaq-Yrǵyz, Aqtóbe-Orsk baǵytynyń Sh.Qaldaıaqov-RF shekrasy, Soltústik aınalma joly men Qandyaǵash-Embi-Shalqar-Yrǵyz, RF shekarasy men Shymkent aralyǵynyń Qurshasaı aýyly-Batys Qazaqstan oblysy aýmaǵy jabyldy. Búgin tek Aqtóbe-Orynbor tasjoly ashyq.
«Samara - Shymkent tasjolynda 800-den astam júk kóligi, 400-ge jýyq jeńil kólikte myńnan astam adam qalyp, olar jaqyn mańdaǵy kempıngke jetkizildi. Polıtsııa men jergilikti atqarýshy organ ókilderiniń kómegimen kóbi dittegen jerine jetti. Qarabutaq aýylynda 600 kólik bar. Júrgizýshiler men jolaýshylar kempıngke ornalastyryldy. Sondaı-aq Yrǵyz aýyly, Álimbet shekarasynda da adamdar bar. Hromtaý aýdanyna oblystyq TJD bastyǵy Marǵulan Amanbaev Trekol kóligimen shyǵyp, baqylady. Bir túnde 43 adam qutqaryldy. Onyń beseýi bala. Sonymen birge júkti áıel jolda qalǵan. Ol da qutqaryldy», - dep habarlady obdystyq TJD baspasóz qyzmeti.
