Aqtóbe oblysynda bilim berý salasyn baqylaý departamentiniń basshysy ustaldy
ASTANA. QazAqparat - Sybaılas jemqorlyqqa qarsy is-qımyl ulttyq bıýrosynyń Aqtóbe oblysy boıynsha departamenti oblystyń bilim berý salasyn baqylaý departamentiniń basshysy A. Kósherbaevty ustady.
«Kósherbaev Іle mektebiniń dırektory jubaıy S. Syrbaeva men basqa tulǵalar arqyly mektepti attestattaýdan ótkizý týraly máseleni oń sheshkeni úshin júıeli túrde oblys mektep ókilderinen jalpy somasy 1 150 000 teńge para alyp kelgen. A. Kósherbaevqa qatysty «tutqyndaý» túrinde bultartpaý sharasy qabyldandy. Sot aldy tergeý júrgizilýde», - dep habarlady ulttyq bıýro baspasóz qyzmetinen.
