Aqtóbe oblysynda belgisiz gazǵa ýlanyp qalǵan 27 adam aýrýhanadan jazylyp shyqty - Tótenshe jaǵdaılar mınıstrligi
STANA. Mamyrdyń 13-i. QazAqparat - Tótenshe jaǵdaılar mınıstrliginiń habarlaýynsha, Aqtóbe oblysynda belgisiz gazǵa ýlanyp qalǵan 27 adam aýrýhanadan jazylyp shyqty.
Dárigerler naýqastardyń jaǵdaıyn qanaǵattanarlyq dep baǵalap otyr.
Budan buryn habarlaǵandaı, Aqtóbe oblysynyń Muǵaljar aýdanyndaǵy Jem qalasynda mamyrdyń 8-i kúni tótenshe oqıǵa oryn aldy: 27 jergilikti turǵyn belgisiz gazǵa ýlanyp qaldy. Sol kúni 41 jastaǵy er azamat óz garajynyń janynda ottegi ballonyn ashqan. Nátıjesinde, gazdyń tóńirekke taralýy saldarynan jaqyn mańdaǵy úılerdiń turǵyndary ýlanyp qalǵan. Jalpy eseppen 27 adam zardap shegip otyr, olardyń 19-y- balalar.
