Aqtóbe oblysynda áıel qyzyn sheneýnikpen jynystyq baılanysqa túsýge májbúrlegen

NUR-SULTAN. QazAqparat – Ótken jyly Aqtóbe oblysynda sheneýnik 16 jasqa tolmaǵan qyzben birneshe ret kezdesken.

Bul týraly QR Іshki ister mınıstri Erlan Turǵymbaev QR sýdıalarynyń «Zanger» jýrnalyndaǵy maqalasynda jazǵan, dep habarlaıdy QazAqparat polisia.kz saıtyna silteme jasap.

«Ótken jyly Aqtóbe oblysynda 16 jasqa tolmaǵan qyzben birneshe ret jynystyq baılanysqa túsken degen kúdikpen sheneýnik ustaldy. Qyz balany bul iske anasy ıtermelegen. Kúdikti ustaldy. Anasyna qatysty qyzyn jezókshelikke tartqany úshin qylmystyq is qozǵaldy. Tergeý amaldary júrgizilip jatyr», - dedi mınıstr.

Mınıstrdiń aıtýynsha, sońǵy bes aıda kámelettik jasqa tolmaǵandarǵa qatysty myńnan asa qylmys tirkelgen.