Aqtóbe oblysynda arheologtar sarmat taıpasy aqsúıekteriniń zıratyn tapty

Taıpalastary qaıtys bolǵandardy sol zamanǵy salt-dástúrmen jerlegen, onyń ishinde altyn buıymdar da bar. Alaıda ejelgi zamanda-aq bireýler mundaǵy zattarǵa qol suqqan kórinedi. Odan qalǵandar bizdiń kúnimizge deıin jetken, dep jazdy «Ekspress K» búgingi nomerinde.

«Munda sol kezdiń áleýmettik elıtasyn jerlegen, - dedi ekspedıtsııa basshysy Arman Bısembaev. - Eki adamnyń máıiti tabyldy, janynda qurbandyqqa shalynǵan jylqynyń qańqasy bar. Qabir bizdiń zamanymyzǵa deıingi V ǵasyrǵa jáne erte temir ǵasyry dáýirine tıesili».

«Bul juptyq jerleý bolýy múmkin, - degen boljam aıtady Aqtóbe oblystyq tarıhı-ólketaný murajaıynyń ǵylymı qyzmetkeri Vıktor Amelın. - Atrıbýtıkaǵa qaraǵanda, akınak pen oqtary bar qoramsaq er adamnyń, al kúmis quıylǵan qola aına áıel adamnyń zattary ekeni kórinip tur».

Sonymen qatar zertteýshiler túıe beınesindegi buıdany, jerleý rásimderinde paıdalanylǵan altyn balyq pen eki aıaǵy bar hosh ıisti tútin shyǵaratyn aspapty anyqtady.