Aqtóbe oblysynda alpaýyt ınvestor 1,1 trln teńgeniń jobasyn júzege asyrady

ASTANA. QazAqparat – ERG kompanııasy Aqtóbe oblysynda 1,1 trln teńgeniń birneshe jobasyn iske asyrmaqshy. Bul týraly óńir ákimi Eraly Toǵjanov ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Óńirdiń iri ınvestory ERG kompanııasymen 1,1 trln teńgeni quraıtyn jobalar iske asyrylmaq. Onyń ishinde:

- 1973 jyldan bastap Dóń taý-ken baıytý kombınatynda jınalǵan shlamdardy qaıta óńdeý;

- oblystyń energetıkalyq qaýipsizdigin qamtamasyz ete alatyn jalpy qýattylyǵy 250 MVt bolatyn ýtılızatsııalyq jaratý stantsııasy bar.

Sondaı-aq, ERG kompanııasy 878 mlrd teńgege «Qazaqstan táýelsizdiginiń 10 jyldyǵy» shahtasynyń ekinshi kezeńin júzege asyrmaq», - dedi oblys ákimi.

Al medıtsına salasyn damytýǵa 30 mlrd teńge ınvestıtsııa tartylmaq.

«Atap aıtsaq, Orhýn Medıkal ıadrolyq medıtsına ortalyǵy, «Qazmedprıbor» medıtsınalyq buıymdar shyǵaratyn fabrıkasy jáne TMD elder arasynda alǵashqy dıalızatorlar shyǵaratyn zaýyty salynady.