Aqtóbe oblysynda áleýmettik tólem retinde bólingen bıýdjet qarajatyn urlaý faktileri anyqtaldy
ASTANA. Mamyrdyń 20-sy. QazAqparat /Ernur Aqanbaı/ - Qarjy polıtsııasy Aqtóbe oblysynda áleýmettik tólem retinde bólingen bıýdjet qarajatyn urlaý faktilerin anyqtap otyr.
Bul týraly búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) resmı ókili Murat Jumanbaı málim etti.
Onyń sózine qaraǵanda, Aqtóbe oblysynda Ózbekstan jáne Qytaıdan kelgen oralmandarǵa beriletin ózderi jasaǵan jalǵan qujattardy paıdalanyp, áleýmettik tólem retinde 43,3 mln.teńgeni zańsyz alyp ıemdengen adamdar tobynyń qylmystyq áreketi áshkerelendi. Toptyń qatysýshylary árbireýi múlkin tárkileýmen 8 jylǵa bas bostandyǵynan aıyrýǵa sottaldy.
