Aqtóbe oblysynda 6 medıtsınalyq nysannyń qurylys-montajdaý jumystary bastaldy
«Memleket basshysynyń tapsyrmalaryn oryndaý boıynsha aıdardy jalǵastyra otyryp, Aqtóbe oblysynda «Aýyldyq densaýlyq saqtaýdy jańǵyrtý» ulttyq jobasyn iske asyrý jumystary júrgizilip jatyr. Ulttyq joba eki jyldyń ishinde aýyldardy, onyń ishinde shalǵaıdaǵy jetý qıyn eldi mekenderdi medıtsınalyq ınfraqurylymmen qamtamasyz etedi, aýdandyq aýrýhanalardy kóp beıindi medıtsınalyq mekemelerdiń deńgeıine deıin jańǵyrtady jáne aýyldaǵy medıtsınalyq kómektiń basqa da baǵyttaryn jetildiredi, sondaı-aq 655 medıtsınalyq obektiniń qurylysyn kózdeıdi,-delingen habarlamada.
Ondaǵy derekterge qaraǵanda, búgingi tańda 99 medıtsına nysanynyń qurylys-montajdaý jumystaryn (QMJ) júrgizýge qarajat bólindi.
Aqtóbe oblysynda ulttyq jobaǵa sáıkes 8 medıtsınalyq-sanıtarııalyq alǵashqy kómek kórsetý nysany boıynsha qurylys josparlanǵan.
Osyǵan baılanysty oblysta josparlanǵan 8 medıtsınalyq obektiniń 6-nyń qurylys-montajdaý jumystary bastaldy. Bular Baıǵanın aýdanynyń Qarajar, Qosaral, Qorashı, Kókbulaq aýyldaryndaǵy, Hromtaý aýdanynyń Aqqudyq aýylyndaǵy medıtsınalyq pýnktter jáne Baıǵanın aýdanynyń Kemershı aýylyndaǵy dárigerlik ambýlatorııalar.
