Aqtóbe oblysynda 580 myń sharshy metr baspana salynady
AQTÓBE. QazAqparat - Búgin «Nur Aqtóbe» shaǵyn aýdanynda 30 aqtóbelik otbasy qonys toıyn toılady. Páter kiltterin Aqtóbe oblysynyń ákimi Berdibek Saparbaev jáne Turǵyn úı qurylys jınaq bankiniń basqarma tóraǵasy Aıbatyr Jumaǵulov tabys etti.
Bul jerden barlyǵy 270 adam baspana alady. «Nur Aqtóbe» shaǵyn aýdanyndaǵy 3 kópqabatty úı 2020 jylǵa deıingi óńirlerdi damytý baǵdarlamasy aıasynda salyndy. Árbir sharshy metrdiń quny - 100 myń teńge shamasynda. Jyl sońyna deıin osy úılerge 540 adam qonystanýy tıis.
Oblys ákimi Berdibek Saparbaevtyń aıtýynsha, óńirde 580 myń sharshy metr baspana salynady.
- Baspana úshin kezekte turǵandar sany azaıar emes. Oblysta 24 myń adam úı kezeginde tursa, onyń 18 myńy Aqtóbe qalasynda tirkelgen, - dedi B.Saparbaev.
