Aqtóbe oblysynda 473 memlekettik organ tirkelgen
2016 jyldyń 1 shildesindegi jaǵdaı boıynsha Aqtóbe oblysynda 473 memlekettik organ tirkelgen. Olardaǵy memlekettik qyzmetshilerdiń shtattyq sany 4765 birlikti quraıdy. Memlekettik qyzmetshilerdiń naqty sany - 4427 adam. Qazirgi ýaqytta bos jumys oryny 338 birlikti quraıdy. Memlekettik qyzmetshilerdiń teń jartysynan astamy áıelder - 2534. Memlekettik qyzmetshilerdiń ortasha jasy 38,7-ni quraıdy.
Bul týraly QR Memlekettik qyzmet isteri mınıstrligi Aqtóbe oblysy boıynsha departamentiniń basshysy, Ádep jónindegi keńes tóraǵasy Qaıyrjan ToqyshevtińAqtóbe gazetinde jarııalanǵan maqalasynda jazylǵan.
Aǵymdaǵy jyldyń basynan beri oblystaǵy memlekettik organdar tarapynan bos ákimshilik memlekettik laýazymdarǵa ornalasý úshin barlyǵy 547 konkýrs jarııalanǵan. Onyń 247-i sol organdardaǵy memlekettik qyzmetshiler arasyndaǵy ishki konkýrs bolsa, 123-i barlyq memlekettik qyzmetshiler arasyndaǵy ishki konkýrs, 177 jalpy konkýrs.
Atalǵan konkýrstardyń 258-de jeńimpazdar anyqtaldy. Al, qalǵan 289 bos orynǵa jeńimpazdar anyqtalǵan joq. Oǵan úmitkerlerdiń tirkelmeýi men áńgimelesýge kelmeýi sebep bolǵan. Al 23 konkýrs komıssııa músheleriniń sheshimimen toqtatylǵan. 272 bos orynǵa áńgimelesý júrgizildi, onyń ishinde 261-i nemese 96%-y, baqylaýshylardyń qatysýymen ótti.
Aǵymdaǵy jyldyń basynan «B» korpýsynyń ákimshilik memlekettik laýazymdaryna ornalasý úshin 1342 kandıdat testileýden ótse, onyń 547-i nemese 40,7%-y ǵana shekti mánnen joǵary nátıje alǵan.
Bos oryndarǵa ótkizilgen konkýrsqa qatysýshy úmitkerlerdiń azdyǵyna da osy testileý nátıjesiniń tómendigi sebep.
Sondaı-aq 6 aı ishinde 644 adam jeke qasıetterin baǵalaý boıynsha testileýden ótken.
Jyl basynan beri testileý qorytyndysynan tómen nátıje alǵan 4 úmitker apellıatsııalyq ótinish túsirgen. Onyń bireýiniń ótinishi qanaǵattandyrylyp, qaıta testileýden ótýge ruqsat berildi.
«B» korpýsynyń kadr rezervinen 14 adam jumysqa ornalastyryldy, 13 adam merziminiń aıaqtalýyna baılanysty rezervten alynsa, 2 adam óz erkimen rezervten bosatyldy. Qazirgi tańda 28 adam 42 sanat boıynsha kadr rezervinde tur.
2016 jyldyń josparyna sáıkes jergilikti atqarýshy organdardan 783 memlekettik qyzmetkerdi oqytý úshin 39,817 myń teńge qarastyrylǵan. Bul memlekettik qyzmetkerlerdiń 295-i qaıta daıarlaý kýrstarynan ótý kerek bolsa, 488-i biliktiligin arttyrý kýrstarynan ótý tıis bolatyn.
Jyl basynan beri memlekettik qyzmetshilerdi qaıta daıarlaý jáne olardyń biliktiligin arttyrý óńirlik ortalyǵynda 424 adam oqyp, onyń 272-i qaıta daıarlaý, 152-i biliktiligin arttyrý kýrstarynan ótken.
Sondaı-aq atalǵan ortalyqta ústimizdegi jyly ortalyq memlekettik organdardyń aýmaqtyq bólimshelerinen 133 memlekettik qyzmetshi oqyǵan. Onyń 49-y qaıta daıarlaý, 84-i biliktiligin arttyrý kýrstarynan ótti.
Jańadan kelgen 64 memlekettik qyzmetshige synaq merzimi taǵaıyndaldy. Onyń 21-i synnan súrinbeı ótse, qalǵan 43-niń synaq merzimi áli aıaqtalǵan joq. Jańadan kelgen 40 qyzmetkerge tálimger bekitilgen.
Tálimgerlik bekitý jóninde departamenttiń uıytqy bolýymen barlyq memlekettik organdarda semınarlar men dóńgelek ústelder uıymdastyrylyp, ádistemelik usynystar ázirlendi.
Departamentte kóshpeli quqyqtyq túsindirý jumystaryn júrgizetin arnaıy top qurylyp, kestesi bekitilgen. Ekinshi toqsannan óz jumysyn bastaǵan bul top osy ýaqytqa deıin Qobda, Mártók, Hromtaý, Muǵaljar aýdandarynda bolyp, departamenttiń Ashyq esik kúnin ótkizdi. Jyl aıaǵyna deıin mundaı sharalar oblysymyzdyń qalǵan 8 aýdanynda da ótkizilmek. Ol úshin departamentte arnaıy ádistemelik quraldar ázirlengen.
Qazirgi tańda departament qyzmetiniń basym baǵyttarynyń biri «E-qyzmet» biriktirilgen aqparat júıesin engizý bolyp tabylady. Atalǵan júıege qosylýy tıis 443 memlekettik organnyń 441-i qosylyp, shtattyq rejımde jumys jasaýda.
Memlekettik organdardaǵy «E-qyzmet» júıesiniń jumysyna departament turaqty túrde monıtorıng júrgizip otyrady. Sondaı-aq, atalǵan júıeniń qyzmetine qatysty memlekettik organdardyń kadr qyzmetkerlerimen birneshe kezdesýler ótkizilip, túsindirý sharalary ótkizilip keledi.
Jarty jyl ishinde departament Ádep jónindegi keńestiń 6 otyrysyn ótkizip, 10 tártiptik is qaraldy. Qaralǵan isterdiń qorytyndysy boıynsha 1 adam jumystan bosatyldy, 6 tulǵaǵa qyzmetine sáıkes emestigi týraly eskertý, 2 adamǵa qatań sógis berilse, 1 tártiptik is toqtatyldy.
Toǵyz tártiptik jaýaptylyqqa tartylǵan tulǵanyń 5-eýi memlekettik qyzmettiń bedelin túsiretin teris qylyq jasaǵany úshin, 4 tulǵa Etıkalyq kodeks normalaryn buzǵany úshin jazalanǵan.
Sondaı-aq keńes otyrysynda 12 memlekettik organ basshylary men Mártók, Baıǵanın aýdandary ákimderiniń esebi tyńdaldy.
Sonymen qatar, keńestiń otyrystarynda departamenttiń qurylymdyq bólimsheleriniń basshylaryn tyńdaý da keńinen tájirıbege engen. Máselen, departamenttiń 5 basqarma basshysy óz jumystarynyń qorytyndysy boıynsha keńeste aqparat berdi.
Ádep jónindegi keńestiń kez kelgen otyrysy qoǵamǵa ashyq, buqaralyq aqparat quraldarynyń qatysýymen ótkizilip keledi.
Memlekettik organdardaǵy tártiptik komıssııalardyń qyzmetin úılestirý jónindegi keńestiń fýnktsııalaryn júzege asyrý boıynsha departament qyzmetkerleri tarapynan toqsan saıyn barlyq memlekettik organdardaǵy tártiptik jazaǵa tartylǵan memlekettik qyzmetkerlerdiń materıaldary saralanyp otyrylady.
Departamentke jeke jáne zańdy tulǵalardan 114 ótinish kelip tússe, onyń ishinde toqsany qaralyp, on úshi basqa memlekettik organdarǵa, altaýy joǵary turǵan organǵa joldandy, beseýi qaralý satysynda.
Kelip túsken ótinishterdiń 82-i memlekettik qyzmet týraly zańnama men qyzmettik etıka salasyna qatysty, onyń 44-i qaralyp, 30-y basqa organdarǵa joldandy. Ótinish bergen eki adamnyń quqyǵy qalpyna keltirildi.
Memlekettik qyzmetter kórsetý salasyna qatysty da aryz-shaǵymdar túsýde. Memlekettik qyzmet ótkerý salasy boıynsha kelip túsken 18 ótinishtiń barlyǵy qaralyp, túsinikteme berildi. Al, sybaılas jemqorlyqqa qarsy is-qımyl salasyna qatysty 1 ótinish te qaralyp, zertteldi.
Departament qyzmetkerleri esepti merzim ishinde 11 tekseris júrgizdi. Onyń tórteýi tańdamaly, jeteýi jospardan tys tekseristerdi quraıdy. Bul tekserister qorytyndysy boıynsha 8 135 zań buzýshylyq anyqtalyp, nátıjesinde 4 tulǵa tártiptik jaýapkershilikke tartyldy.