Aqtóbe oblysynda 400-den astam adam Pfizer vaktsınasyn saldyrdy
Aqtóbe oblysy boıynsha bir táýlikte taǵy 14 adamnan koronavırýs ınfektsııasy anyqtaldy. Onyń kóbi vırýstyń sımptomdy túrine shaldyqqan. Bul týraly Óńirdik kommýnıkatsııalar qyzmetinde aıtyldy.
«Qazirgi kezde oblystyq ınfektsııalyq statsıonarlarda 135 naýqas bar. Onyń 95-i Aqtóbe qalasynda. Naýqastardyń 20-y jansaqtaý bóliminde bolsa, onyń ekeýi ókpeni jasandy jeldetý apparatyna qosylǵan. Vırýs juqtyrǵan 16 balanyń barlyǵy dárigerler baqylaýynda, aýrýhanaǵa jatqyzylǵandary joq. Al eki júkti áıel aýrýhanada jatyr», - dedi oblystyq Densaýlyq saqtaý basqarmasy basshysynyń orynbasary Bekbolat Іzbasarov.
Aıta keteıik, oblysqa koronavırýsqa qarsy barlyǵy 894 myń doza vaktsına jetkizildi. Qazir 353 myńǵa jýyq adam - birinshi, al 327 myńnan astam adam ekinshi komponentin qabyldady. Sonymen birge 356 adam revaktsınatsııadan ótti.
«Oblysta 419 adam Pfizer vaktsınasyn saldyrdy. Onyń 222-i jasóspirim, 176-y bala emizetin áıel. Ózgesi - júkti áıelder. Vaktsına saldyrǵandar arasynda densaýlyqqa keri áserin tıgizgen jaǵdaı tirkelmedi. Báriniń jaǵdaıy jaqsy. Bul vaktsına oblystyń barlyq aýdanyna jetkizildi», - dedi oblystyq Densaýlyq saqtaý basqarmasy basshysynyń orynbasary Bekbolat Іzbasarov.
