Aqtóbe oblysynda 300 myń teńge para alǵan aýdıtor sottaldy

NUR-SULTAN. QazAqparat - Aqtóbe oblysy boıynsha ishki memlekettik aýdıt departamenti basshysynyń orynbasary paraqorlyq qylmysy boıynsha bas bostandyǵynan aıyryldy, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

«Aqtóbe oblysy boıynsha sybaılas jemqorlyqqa qarsy is-qımyl departamentiniń qyzmetkerleri budan buryn oblystyq ishki memlekettik aýdıt departamenti basshysynyń orynbasary H.Úkibaevqa qatysty sotqa deıingi tergeý amaldaryn aıaqtaǵan bolatyn. Úkibaev osy jyldyń naýryz aıynda bilim salasyndaǵy keshendi aýdıtte oń qorytyndy jasap bergeni úshin Muǵaljar aýdandyq bilim bóliminiń basshysynan 300 myń teńge para alǵan», - delingen agenttiktiń habarlamasynda.

Muǵaljar aýdandyq sotynyń úkimimen H. Úkibaev 3 jyl 6 aı merzimge bas bostandyǵynan aıyryldy.

Sottalýshy memlekettik qyzmette jáne jergilikti ózin-ózi basqarý organdarynda laýazymda eńbek etý quqyǵynan aıyryldy.