Aqtóbe oblysynda 22 júk tsısternasy joldan shyǵyp ketti
AQTÓBE. QazAqparat – Búgin, 26 aqpanda saǵat 11:55-te Shalqar aýdanynyń Ulpan temir jol stantsııasynda 43 vagon quramynyń 22 júk tsısternasy joldan shyǵyp ketti. Onyń ishinde 13 tsısterna aýdarylyp, uzyndyǵy 150 metr temir jol relsi zaqymdanǵan. Bul týraly QR TJM resmı ókili Talǵat Ýálı málim etti, dep habarlaıdy QazAqparat.
Apat saldarynan qaza bolǵandar men zardap shekkender joq. Oqıǵa «Atyraý-Almaty» baǵytyndaǵy №42 jolaýshylar poıyzynyń keshigýine áser etti (Embi stansasynda ornalasqan). Qazirgi ýaqytta elektr energııasyn toqtan ajyratý jáne jóndeý jumystary júrgizilýde.
Buǵan TJD (9 qyzmetker jáne 3 tehnıka) jáne APB (2 qyzmetker jáne 1 tehnıka), Qandyaǵash jáne Shalqar stantsııalarynan qq. «QTJ» AQ (2 qalpyna keltirý poıyzy jáne 49 qyzmetker), Qandyaǵash jáne Shalqar stantsııalarynan (2 órt sóndirý poıyzy 16 qyzmetker), JAO (3 qyzmetker jáne 2 tehnıka) jumyldyryldy.
