Aqtóbe oblysynda 20-dan astam avtojol jobasy iske asyp jatyr

AQTÓBE. QazAqparat - Aqtóbe oblysynda respýblıkalyq jáne jergilikti mańyzy bar avtojol jobalaryn júzege asyrý jalǵasýda. Bıyl atalǵan óńirde jumystardyń barlyq túrimen 24 nysan qamtylyp otyr, dep habarlaıdy QazAqparat tilshisi.

Máselen, respýblıkalyq «Qandyaǵash-Maqat» avtomobıl jolyn rekonstrýktsııalaý qarqyn alǵan. Budan bólek, Reseımen shekaralas «Samara-Shymkent» jolynyń 526-590 jáne 965-990 km ýchaskesinde jóndeý jumystary júrgizilip jatyr.

Al «Aqtóbe-Orsk» avtojolyndaǵy «Álimbet» ótkizý beketin jaılastyrý boıynsha joba-smetalyq qujattama jetildirilýde.

Bıyl óńirde jergilikti júıeni damytý jumystary da qarqyndy júzege asýda. Atap aıtar bolsaq, «Aqtóbe qalasynyń ońtústik aınalma» jolynyń 21,5-35,3 km men «Aqtóbe-Orsk» avtojolyndaǵy8-16km ýchaskelerinde qaıta jańartý sharalary qolǵa alynǵan.

Budan bólek, jolshylar Bulaq aýylyna barar jolǵa kúrdeli jóndeý jumystaryn júrgizip jatyr. Kúrdeli jóndeýmen «Shubarqudyk-Oıyl-Qobda-Sol-Iletsk» avtojolynyń 334-371,9 km jáne«Qobda-Martyq» avtojolynyń 0-30 km ýchaskeleri de qamtylǵan.

Aýqymdy jumystar oblystyq jáne aýdandyq mańyzdy joldarda da iske asýda. Olarǵa ortasha jóndeý júrgizilip jatyr.

Osy rette birqatar joba bar. Bular: «Shalqar-Bozoı-Ózbekstan shekarasy»20-50km, «Qobda-Martyq» 30-52km, «Pokrovka-Temir-Keńqııaq-Embi» 111-145 km, «Oıyl-Qaraoı» 0-75 km, «Svetlyı-Kumqudyq-Jabasaq-Baıjankól» 10-68 km, «Aqtóbe-Rodnıkovka-Martyq» 42-93 km, «Borodınovka-Stepnoe» 0-15 km, «Voznesenovka-Jańajol-Martyq-Poltavka» 0-15 km.

Ortasha jóndeý Tassaı, Tasótkel, Tabantal, Qumqudyq, Kóptoǵaı men Shubarshı eldimekenderine baratyn joldarǵa da júrgizilýde.

Aıta keteıik, Aqtóbe oblysyndaǵy avtomobıl joldarynyń jalpy uzyndyǵy - 6921 shaqyrym. Onyń 1869-y – respýblıkalyq, al 5052-i – jergilikti mańyzdy avtojoldar.