Aqtóbe oblysynda 2 iri dala órti sóndirildi
ASTANA. Shildeniń 24-i. QazAqparat - Keshe Aqtóbe oblysynda bir mezgilde ártúrli jerden eki birdeı iri dala órti oryn aldy. Zardap shekkender men qaza tapqandar joq, dep habarlady QR Tótenshe jaǵdaılar mınıstrliginiń baspasóz qyzmetinen.
Vedomstvonyń baspasóz qyzmetiniń taratqan aqparatyna sáıkes, alǵashqy órt Aqtóbe oblysynyń Saǵashıel aýylynda 16:30-da oryn alyp, 600 gektar aýmaqty qamtyǵan. Al ekinshi qyzyl jalyn dál osy mezette Alǵa aýdanyna qarasty Pavlovka eldi mekeninde tutanyp, 400 gektar alqapty jaılaǵan.
Tilsiz jaý QR TJM Aqtóbe oblystyq tótenshe jaǵdaılar departamenti órt sóndirý qyzmetiniń kúshimen aýyzdyqtaldy.
