Aqtóbe oblysynda 2 adam quldyqtan qutqaryldy
ASTANA. QazAqparat - Aqtóbe oblystyq ishki ister departamentiniń Uıymdasqan qylmysqa qarsy kúres basqarmasy jedel-izdestirý is-sharalary kezinde adam saýdasynyń qurbandary bolǵan azamattardy qutqardy, dep habarlaıdy QazAqparat.
Atalǵan vedomstvo aqparatyna qaraǵanda, 44 jáne 29 jastaǵy Aqtóbe oblysynyń turǵyndary
Hromtaý aýdanyndaǵy aýyl sharýashylyǵyna aldaýmen kelip, jarty jyl boıy erkinen tys jumys jasaǵan.
«Jedel izdestirý is-sharalary barysynda osy qylmysty jasady degen kúdikpen 53 jastaǵy Hromtaý aýdanynyń bedeldi azamaty ustaldy. Qazirgi ýaqytta atalǵan is boıynsha QR QK 128-baby 2-tarmaǵy boıynsha sotqa deıingi tergeý amaldary júrgizilýde. Kúdikti Hromtaý aýdandyq ІІB-niń ýaqytsha oqshaýlaǵyshyna qamaldy. Tergeý amaldary jalǵasýda», - delingen Aqtóbe oblystyq ІІD aqparatynda.
