Aqtóbe oblysynda 180 myń teńge jalaqyǵa jumysshy tabylmaı otyr
AQTÓBE. QazAqparat - Aqtóbede Embi qalasynyń ákimi Álimjan Qorǵanbaı 180 myń teńgelik jalaqysy bar jumysqa adam tappaı otyr, dep habarlaıdy QazAqparat tilshisi.
Aqtóbe oblysy Embi qalasynda 14 myńnan astam adam turady. Aýyl turǵyndarynyń kóbi temirjol salasynda jumys isteıdi. Qala boıynsha 18 adam resmı túrde jumyssyz retinde tirkeýde tur.
«Balabaqshaǵa jumysshy kerek. «Jasyl el» jastardy jumysqa shaqyrǵanymen, eshkim kelmedi. Er balalar 60 myń teńgeniń jumysyn istemeıdi. Barlyǵy 3 oryn bos tur. Er adamdar 80-150 myń teńge suraıdy. Shynyn aıtqanda, jumyspen qamtý ortalyǵy arqyly 5 adam jumys istep júr. Onyń úsheýi probatsııalyq baqylaýmen saǵat boıynsha jumys isteıdi. ıAǵnı, qala tazalyǵymen aınalysatyn adam tappaı otyrmyz. Sondyqtan ákimdiktiń ishki qyzmetkerleri senbi saıyn shyǵyp, aǵash kesip, qoqys jınaıdy», - dedi Embi qalasynyń ákimi Álimjan Qorǵanbaı.
Aýyldaǵy mys, altyn kenin óndirý zaýyttary ekskovatorshy suraıdy. Onyń jalaqysy 180 myń teńge bolady, alaıda jumysqa adam tabylmady. Tehnıka bar, ony basqaratyn jumysshy joq. Tipti, vahtalyq ádis usynylady.
«Jumyspen qamtý ortalyǵyna traktorshy tirkelse, júgirip baryp, jumys usynamyz. Máselen, Jem qalasynyń ákimi júrgizýshini úsh aı boıy izdep, sońynda bajasyn jumysqa aldy. Ákimniń ózi kólik aıdaýyna bolmaıdy. Júrgizýshi 47-49 myń teńge alady. Bul aqshaǵa er adamdar kelmeıdi. Ózim 280 myń teńge eńbekaqy alamyn, ekologııalyq qosymsha ótemeaqy tólenedi», - dedi Álimjan Qorǵanbaı.
Eske salsaq, «Aqtóbe - Atyraý» tasjolynyń qurylysy kezinde aýyr tehnıkany júrgizetin mamandarǵa suranys artty. Jergilikti ákimdik jalaqysy 200 myń teńge bolatyn jumysqa saı keletin kadr tappaı, habarlama bergen edi.
