Aqtóbe oblysynda 100-den astam mal qaýipsiz aımaqqa evakýatsııalandy

ASTANA. QazAqparat – Aqtóbe oblysynda 122 mal qaýipsiz aımaqqa evakýatsııalandy, dep habarlaıdy QazAqparat Tótenshe jaǵdaılar mınıstrliginiń resmı saıtyna silteme jasap.

Aqtóbe oblysy Tótenshe jaǵdaılar departamentiniń 112 pýltine Temir aýdanynyń Altyqarasý aýyldyq okrýginen 6 kılometr jerde, Oıyl ózeniniń ortasynda birneshe jylqy men sıyr qalyp qoıǵany týraly habarlama túsken.

Shaqyrtý ornyna qutqarýshylar, tehnıkalar men motorly qaıyq jiberildi.

Qutqarýshylardyń jedel áreketiniń arqasynda 12 jylqy men 110 sıyr qutqarylyp, qaýipsiz aımaqqa evakýatsııalandy.