Aqtóbe oblysyn túıequstar jersinip kete almady
AQTÓBE. QazAqparat - Aqtóbe oblysynda túıequstardy asyrýǵa arnalǵan birden-bir ferma jabylyp qaldy, dep habarlaıdy QazAqparat tilshisi.
«2016 jyly Qobda aýdanynda túıequstardy asyraýǵa arnalǵan ferma ashylǵan bolatyn. Alaıda atalǵan qustardyń túri bizdiń klımatqa boı úıretip kete almady. Olardy ary qaraı ustaý tıimdiemes. Qazirgi tańda aýyl sharýashylyǵynyń dástúrli emes túrleriniń basqa da salalary damý ústinde», - deıdi oblystyq aýyl sharýashylyǵy basqarmasy mal sharýashylyǵy bóliminiń basshysy Panabek Bımuratov.
Aqtóbe oblysy úshin aýyl sharýashylyǵynyń dástúrli túrlerine múıizdi iri qara men usaq maldy ósirý jatady.
Oblys ákimi Berdikbek Saparbaevtyń tapsyrmasymen aýyl turǵyndarynyń arasynda dástúrli emes mal sharýashylyǵynyń túrlerin damytý jumystary júrgizilýde.
«Aýyl halqy dástúrli emes mal sharýashylyǵynyń túrlerin belsendi túrde ıgerý ústinde. ıAǵnı, súti saýylatyn eshki, ara, qoıan, bódene, úırek pen qaz ósirip jatyr. Álbette, shynyna kelgende bul tabysy mol baǵyt. Ony jolǵa qoıý úshin asa úlken jaıylym nemese aqshalaı shyǵynnyń qajeti joq. Onyń ústine memleket tarapynan da olardy qolǵa alǵandarǵa jeńildetilgen nesıe berip otyr. Mysaly, qoıandardy óz úıińizde tor ishinde asyraı alasyz. Oblys basshysynyń tapsyrmasyna sáıkes, biz bıyl dál sondaı 40 sharýa qojalyq ashýymyz kerek bolatyn. Qazirge deıin olardyń 75-i ashylyp qoıdy. Meniń oıymsha, kóptegen adamdar dástúrli emes sharýashylyqtardyń paıdasyn endi túısinip kele jatqan sekildi», - deıdi Panabek Bımuratov.
Máselen, omarta sharýashylyǵy Alǵa, Mártók, Oıyl aýdandary men Aqtóbe qalasynda jolǵa qoıylǵan. Óńirdegi aýyldardyń turǵyndary saýylatyn eshkilerdiń de sanyn 700-ge jetkizgen. Eshki sútin óndirýshi sharýashylyqtardyń eń irisi Alǵys aýyldyq okrýgindegi «Shekshek ata» kooperatıvi bolyp tabylady. Ol jerde sútten bólek, irimshik pen súzbe óndiriledi.
Jalpy, Aqtóbe aýdanynda dástúrli emes mal sharýashylyǵymen aınalysatyn 263 sharýa qojalyq bar.
