Aqtóbe oblysy turǵyndarynyń 85 %-y memlekettik tildi meńgergen
AQTÓBE. QazAqparat - Qazaqstan halqynyń birligi kúni qarsańynda Aqtóbe oblysynyń ákimi Arhımed Muhambetov balalary qazaq tildi balabaqshalar men mektepterde oqıtyn ózge ult ókilderinen turatyn otbasylarmen kezdesti.
«Búginde oblys turǵyndarynyń sany 800 myń adamdy quraıdy, onyń 85 paıyzy memlekettik tildi meńgergen. Bul respýblıkalyq kórsetkishten joǵary. Oblys ortalyǵy men óńirdiń 6 aımaǵynda tilderdi damytý ortalyqtary ashyldy. Onda 2007 jyldan 10 adam myń adam memlekettik tildi meńgergen. Búginde balalaryn qazaq tildi balabaqshalar men mektepterge beretin ózge ult ókilderi jaqsy úlgi kórsetip jatyr», - dep atap ótti oblys ákimi Arhımed Muhambetov.
«Men Qyzyljar kentinde týdym jáne qazir osynda turamyn. Bala kezimnen qazaqtarmen jaqsy aralasamyn. Men qazaq halqyn, olardyń dástúrin syılaımyn. Qazaq tilin bilý bizdiń paryzymyz dep esepteımin. Sondyqtan januıamyzda aqyldasyp, qyzymyz Darıany qazaq mektebine berýge bel býdyq», - dedi Qyzyljar orta mektebiniń muǵalimi Galına Gorbatenko qazaq tilinde.
Kezdesý sońynda oblys ákimi jıynǵa kelgen qazaq tildi balabaqshalar men mektepterde bilim alatyn balalarǵa alǵyshattar men uıaly telefondar tabys etti.
