Aqtóbe oblysy: Qosalqy stansadaǵy órt mektep, balabaqsha, 9 dúken men turǵyn úılerdi jaryqsyz qaldyrdy
ASTANA. 29 mamyr. QazAqparat - 27 mamyr kúni Aqtóbe oblysynyń Tamdy kentinde Ardager kóshesinde ornalasqan №2 transformatorlyq qosalqy stansada órt shyqty.
Bul týraly QR TJM baspasóz qyzmetinen habarlady.
Tótenshe jaǵdaı saldarynan Á. Moldaǵulova, Áıteke bı kóshelerindegi orta mektep, balabaqsha, medıtsınalyq qosyn, jataqhana, qos eki qabatty úı, 9 dúken jáne 40 jekemenshik turǵyn úı jaryqsyz qaldy. Jalyn 2 sharshy metr aýmaqty sharpydy. Japa shekkender joq.
Órtti aýyzdyqtaýǵa QR TJM «Órt sóndirýshi» AQ fılıalynyń 4 mamany men bir tehnıkasy jumyldyryldy, jóndeý-qalpyna keltirý jumystaryna «Intergaz Ortalyq Azııa» AQ-nyń apattyq brıgadasy baǵyttaldy.
