Aqtóbe oblysy elordadaǵy jármeńkege 214 tonna ónimin jiberdi
AQTÓBE. QazAqparat – 21-22 qyrkúıek kúnderi Aqtóbe oblysynyń taýar óndirýshileri Nur-Sultan qalasynda aýyl sharýashylyǵy jármeńkesin ótkizedi, dep habarlaıdy QazAqparat tilshisi.
Nur-Sultan qalasynda ótetin jármeńkege Aqtóbe qalasy men 12 aýdannyń 20-dan astam taýar óndirýshi qatysady. Jármeńke «Han shatyr» saýda – oıyn-saýyq ortalyǵynyń janyndaǵy arnaıy belgilengen orynda ótedi.
«Jármeńkedegi ónimderdiń baǵasy elordadaǵy bazarlardyń baǵasynan 15-20 paıyz tómen bolady. Jalpy 214,5 tonna ónim aparylady. Onda sút jáne sút ónimderi, et, tipti, qymyz, shubat, eshki súti bolady. Sonymen qatar un men makaron ónimderi, shujyq, jylyjaıda ósirilgen qııar men qyzanaq jetkiziledi. Búgin aýyl sharýashylyǵy ónimderin tıegen avtokerýen jolǵa shyǵady», - dep habarlady oblystyq aýyl sharýashylyǵy basqarmasynyń baspasóz qyzmeti.
Aıta keteıik, jármeńkege 65 tonna et, 85 tonna kartop pen kókónis, 5 tonna ósimdik maıy, 3 tonna balyq pen 10 tonna sút ónimderi, 13 myń dana jumyrtqa jiberiledi. Jármeńkede aqtóbelik ónerpazdar kontsert qoıady.
