Aqtóbe oblysy bıyl 510 mlrd teńge ınvestıtsııa tartýdy kózdep otyr
Jobalyq basqarý jáne negizgi maqsattyq ındıkatorlar aıasynda óńirde atqarylyp jatqan jumystar jóninde aımaq basshysy Berdibek Saparbaev aktıv kezinde áńgimeledi.
«Ónerkásip ósimin qamtamasyz etý maqsatynda bıyl 55 mlrd teńgege 35 kásiporyndy jańartý kózdelip otyr. Búginde aımaqta sheteldik ınvestorlardyń qatysýymen quny 62,5 mlrd teńge bolatyn 4 ınvestıtsııalyq joba iske asyrylýda. Bul jobalardyń ishinde jel generatorlaryn óndiretin zaýyttyń qurylysy, gazdy kádege jaratý jónindegi tseh, Aqtóbedegi muz saraıy, sondaı-aq Hromtaýdaǵy keramıkalyq ónim shyǵaratyn zaýytty qaıta jandandyrý jumysy bar», - dep atap ótti oblys ákimi.
«Bazalyq ındýstrııalandyrý» baǵyty aıasynda búginde oblysta quny 76 mlrd teńgeni quraıtyn 15 ınvestıtsııalyq joba júzege asyrylyp jatyr. Onyń ishinde eń irileri - altyn rýda kombınatynyń, keramogranıt jáne qurylys materıaldaryn óndirýshi zaýyttyń qurylysy, Kóktemgi-Aralchın mys-kolchedan ken ornyn ıgerý jobalary.
Jalpy alǵanda, jyl sońyna deıin oblys 510 mlrd teńge (byltyr 437 mlrd teńge bolǵan) ınvestıtsııa tartýdy kózdep otyr. Onyń ishinde 75%-y - bıýdjetten tys, 35%-y - syrtqy ınvestıtsııalar.
