Aqtóbe oblysy aýmaǵynda blokpostar joq - departament
AQTÓBE. QazAqparat – Aqtóbede Jaısań jáne Álimbet shekara beketinde sanıtarlyq-karantındik beket jumys istep tur, dep habarlaıdy QazAqparat tilshisi.
«Qazirgi kezde Aqtóbe oblysy aýmaǵynda blokpostar joq. Al Reseımen shekaralas eki aýdan aýmaǵynda sanıtarlyq-karantındik beket jumys istep tur. Olar: Qarǵaly aýdanyndaǵy «Álimbet», Mártók aýdanyndaǵy «Jaısań» shekara beketi», - dep habarlady oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Aıta keteıik, sońǵy táýlikte Aqtóbede 2 adamnan koronavırýs ınfektsııasy anyqtaldy. Onyń ekeýi de sımptomsyz. Óńirde barlyǵy 3246 jaǵdaı tirkeldi. Onyń 97,9 % jazylyp shyqty. Qazir úı karantınine 41 adam alynyp, olarǵa medıtsınalyq baqylaý júrgizilip jatyr.
