Aqtóbe oblysy ákiminiń burynǵy orynbasary 12 jylǵa sottaldy
NUR-SULTAN. QazAqparat – Búgin Nur-Sultan qalalyq qylmystyq ister jónindegi mamandandyrylǵan aýdanaralyq soty Rýslan Mamýnovqa qatysty aıyptaý úkimin shyǵardy, dep habarlaıdy QazAqparat tilshisi.
Nur-Sultan qalalyq sotynyń málimetinshe, R.Mamýnov tanysynyń týysy – Qostanaı qalasynyń burynǵy ákimi jemqorlyq qylmysy úshin sottalǵanyn bile tura, olardyń aqshalaryn aldap, ıemdengen. Ol sot júıesindegi tanystarynyń bar ekendigin aıtyp, jazany jeńildetýge jáne tárkilengen múlikterdi qaıtarýǵa kómektesetindigine ýáde bergen. Sol úshin ol 1,2 mln dollar qarajatyn alyp, oǵan páterler men avtomobıl satyl alǵan.
R.Mamýnovtyń kinási kýágerlerdiń kýáligimen jáne olardyń áńgimelesý kezindegi aýdıo jazbasy arqyly saraptama qorytyndysy arqyly dáleldengen. Osyǵan oraı R.Mamýnov QR QK kodeksiniń birneshe babymen kináli dep tanylǵan.
«Sot úkimimen Mamýnovqa qylmystyq-atqarý júıesiniń ortasha qaýipsiz mekemesinde jazasyn óteýge 12 jylǵa bas bostandyǵynan aıyryldy. Sonymen qatar ol ómir boıy memlekettik qyzmette laýazym atqara almaıdy. Urlanǵan aqsha satyp alynǵan eki kólik pen 2 bólmeli páter tárkilendi. Úkim zańdy kúshine engen joq», - dedi qalalyq sottan.
