Aqtóbe oblysy ákiminiń burynǵy orynbasary 12 jylǵa bas bostandyǵynan aıyryldy

NUR-SULTAN. QazAqparat – Aqtóbe oblysy ákiminiń orynbasary Rýslan Mamýnovqa qatysty sot isi aıaqtaldy, dep habarlaıdy QazAqparat tilshisi.

«Sybaılas jemqorlyqqa qarsy qyzmet Aqtóbe oblysy ákiminiń orynbasary Mamýnovqa qatysty para berýge ıtermeleý, alaıaqtyq jáne aqsha qarajatyn zańdastyrý faktileri boıynsha tergeýdi aıaqtady. Nur-Sultan qalasynyń mamandandyrylǵan aýdanaralyq qylmystyq sotynyń úkimimen Mamýnov kináli dep tanylyp, múlki tárkilenip, 12 jylǵa bas bostandyǵynan aıyryldy», - dedi Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov onlaın brıfıng barysynda.

Eske sala ketsek Rýslan Mamýnovtyń tergeýge alynǵany týraly aqparat osy jyldyń naýryzynda taraǵan edi.