Aqtóbe oblystyq sottar ákimshiliginiń burynǵy basshysy sottaldy

AQTÓBE. QazAqparat - Aqtóbe oblystyq sottar ákimshiliginiń eks-jetekshisi Qaıyrkeldi Jenalımov sottaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń oblystyq departamenti Qaıyrkeldi Jenalımovke qatysty isti tergep, aıaqtady. Aqtóbede oblystyq sottar ákimshiliginiń eks-jetekshisine sot úkimi shyqty. Vedomstvonyń habarlaýynsha, sottalýshy qyzmettik ókilettigin asyra paıdalanǵan jáne 12,6 mıllıon teńgeniń qurylys jumysy aıaqtalmasa da, qujat boıynsha qabyldap alǵan. Ol osy arqyly jeke kásipkerge basymdyq berip, sottyń ákimshilik ǵımaratynyń qurylysy úshin aldyn ala aqsha aýdaryp jibergen.

№2 Aqtóbe qalalyq soty Q.Jenalımovke 4 jyl 6 aıǵa bas bostandyǵyn shekteý túrindegi úkim shyǵardy. Sottalýshy ómir boıy memlekettik qyzmetti atqara almaıdy.