Aqtóbe oblystyq prokýratýrasynyń qyzmetkeri ustaldy

ASTANA. QazAqparat - QR Bas prokýratýrasy Aqtóbe oblystyq prokýratýrasynyń qyzmetkeri E.Kadyrovtyń ustalýyna qatysty túsinikteme berdi, dep habarlaıdy QazAqparat qadaǵalaý organynyń Feısbýktegi paraqshasyna silteme jasap.

«13 qarashada Aqtóbe qalasynda Bas prokýratýranyń Tergeý departamenti Sybaılas jemqorlyqqa qarsy is-qımyl ulttyq bıýrosymen birlese otyryp QR QK 367-babynda (para berý) kózdelgen qylmysty jasady degen kúdikpen E. Kadyrovty ustady.

E. Kadyrov QR Qylmystyq-protsestik kodekstiń 131-babyna sáıkes Aqtóbe qalasyndaǵy ýaqytsha ustaý ızolıatorynda ornalastyryldy», delingen habarlamada.

Bas prokýratýra budan basqa aqparat tergeý múddesine oraı jarııalanbaıtyndyǵyn málim etti.