Aqtóbe oblystyq Polıtsııa departamentiniń bastyǵy áleýmettik jelide paraqsha ashty
AQTÓBE. QazAqparat - Aqtóbe oblystyq Polıtsııa departamentiniń bastyǵy Abaı Júsipov Facebook-te óz akkaýntyn ashty. Endi azamattar ózderin qyzyqtyrǵan suraqtaryn qoıyp, óz pikirin qaldyra alady, dep habarlaıdy QazAqparat tilshisi.
«Áleýmettik jelidegi paraqshanyń ashylýy azamattardyń polıtsııamen tyǵyz qarym-qatynasynyń qosymsha alańyn qurýǵa baǵyttalǵan. Bul azamattardyń problemalaryn jedel sheshýdiń taǵy bir alańyna aınalady, qoǵamnyń polıtsııa qyzmetkerlerine degen senimin arttyrady. Qazirgi ýaqytta bizdiń departamenttiń paraqtary Instagram, Facebook jáne YouTube-ta jumys isteıdi. Sondaı-aq, DP elektrondy poshtasy bar»,- dep habarlady oblystyq PD bastyǵy Erbolat Sarqulov.
Aıta keteıik, Abaı Júsipov departamenttiń bastyǵy qyzmetine qańtar aıynda taǵaıyndaldy. Jeke quramǵa ІІM Erlan Turǵymbaev tanystyrdy.
