Aqtóbe oblystyq ІІD tergeýdi elektrondyq formatta júrgizedi
AQTÓBE. QazAqparat - Oblystyq ІІD qylmystyq isterdi elektrondyq formatta tergeýge kóshti. Bul jańalyq tergeýge kóp ýaqyt jumsap, qaǵazbastylyqty qysqartýǵa múmkindik beredi, dep habarlaıdy QazAqparat tilshisi ІІD baspasóz qyzmetine silteme jasap.
«E-qylmystyq is» baǵdarlamasy qylmystyq protsestiń barlyq satysyn: qylmysty tirkeýden bastap, ony tergeý jáne úkimdi oryndaýǵa deıingi kezeńdi qamtıdy.
«Qylmystyq protsesti tsıfrlandyrý turǵyndardy alańdatqan birqatar máselelerdi sheshýge, sondaı-aq dálelderdi jınaý jáne protsessýaldyq qujattardy toltyrý protsedýralaryn ońtaılandyrýǵa, is materıaldaryn burmalaý qaýpin tómendetýge, tergeý jáne sot organdarynyń materıaldyq shyǵyndary men júktemesin tómendetýge múmkindik beredi», - dedi ІІD tergeý basqarmasynyń bastyǵy, polıtsııa podpolkovnıgi Quralbek Sharbaqov.
Qazirgi tańda Aqtóbe oblysynda 131 qylmystyq is «E-qylmystyq is» formatynda tergelip jatyr, onyń 25-i aıaqtalǵan.
«E-qylmystyq is» jobasy Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýy aıasynda eldegi tsıfrlyq tehnologııalardy damytý boıynsha júzege asyrylyp jatyr.
