Aqtóbe oblystyq ІІD kózi joıylǵan lańkester tizimin joqqa shyǵardy

AQTÓBE. QazAqparat - Oblystyq ІІD keshe Instagram jelisinde vıdeomálimdeme jasaǵan Danııar Ýáıisov kózi joıylǵan lańkester tizimine engizilgenin joqqa shyǵardy.

Instagram áleýmettik jelisinde zello_aktobe tobynda aqtóbeliktiń vıdeomálimdemesi paıda boldy. Onda  ol kózi joıylǵan lańkesterdiń tizimine aty-jónin ngizgeni úshin keshirim suraýdy talap etti.

- Aqtóbelik qolynda ustaǵan sýretteri bar tizimdi biz ázirlemegenbiz jáne ony áleýmettik jeliler boıynsha taratpadyq. Tizimde zello_aktobe tobynyń qoltańbasy bar. Aqtóbelikterdiń biri bul tizimdi ózi jasap, oǵan Danııar Ýáıisovty engizdi dep oılaımyn. Biz mundaı saraptama jasamadyq. Kimniń ólgeni, kimniń jaraqattanǵany týraly aqparatty jýrnalısterge taratpadyq, - dep málimdedi ІІD baspasóz hatshysy Ardager Ýaıdın.