Aqtóbe oblystyq ındýstrııalyq-ınnovatsııalyq damý basqarmasynyń basshysy taǵaıyndaldy
AQTÓBE. KAZINFORM - Aqtóbe oblystyq ındýstrııalyq-ınnovatsııalyq damý basqarmasynyń basshysy qyzmetine Dosjan Álibekov taǵaıyndaldy. Ol bıyl qyrkúıek aıynda ǵana osy basqarmanyń basshysyna orynbasar bolǵan.
Aqtóbe oblystyq ákimdiginde kadrlyq aýys-túıis. 33 jastaǵy Dosjan Álibekov búgin Aqtóbe oblystyq ındýstrııalyq-ınnovatsııalyq damý basqarmasynyń basshysy qyzmetine taǵaıyndaldy. Ol 2013 jyly Qazaqstan ınjenerli-pedagogıkalyq halyqtar dostyǵy ýnıversıtetin, 2015 jyly M.Áýezov atyndaǵy Ońtústik Qazaqstan memlekettik ýnıversıtetin, 2020 jyly Nıý-Iork ýnıversıtetin támamdaǵan. Memlekettik qyzmettegi eńbek jolyn 2014 jyly Shymkent qalasynyń sáýlet jáne qala qurylysy bóliminiń jetekshi mamany bolyp bastady.
2014–2020 jyldary Shymkent qalasynyń sáýlet jáne qala qurylysy bóliminiń bas mamany, Shymkent qalasynyń sáýlet jáne qala qurylysy basqarmasynyń bas mamany boldy.
Al 2020–2024 jyldary QR Indýstrııa jáne ınfraqurylymdyq damý mınıstrliginiń ındýstrııalyq damý jáne ónerkásiptik qaýipsizdik komıtetiniń bas sarapshysy, basqarma basshysy, QR Ónerkásip jáne qurylys mınıstrliginiń Ónerkásip komıtetiniń óńdeý ónerkásibi jobalary basqarmasynyń basshysy qyzmetterin atqardy.
Aqtóbe oblysy ákiminiń baspasóz qyzmetiniń habarlaýynsha, 2024 jyldyń qyrkúıek aıynan bastap Aqtóbe oblysynyń ındýstrııalyq-ınnovatsııalyq damý basqarmasy basshysynyń orynbasary laýazymyn atqardy.
Eske salsaq, byltyr 27 qarasha kúni Aqtóbe oblystyq ındýstrııalyq-ınnovatsııalyq damý basqarmasynyń basshysy qyzmetine Asqar Ábishev taǵaıyndalyp, jumys istedi. Alaıda ol bir jylǵa jeter-jetpes ýaqytta qyzmetten ketti.
